N’kembo wa lusansu ye kinkete wa Luozi

FESCAL 2004. Luozi, Aout 2004.

Par Nlongi Dianzungu dia Biniakunu
Ntuadisi a Nkembo wa Lusansu ye Kinkete wa Luozi.

"Lu zimpangi,

Mbote zeno zazingi beni. Tuena mavimpi, tusidi vuvu vo beno mpe lusiemi. Ntangu yeti vioka mu nsualu beni buabu ; i diau, tufuiti lambula bitambi, nanga tufuiti zaula fioti mpe. Bantu beti kubama mu diambu dia nkembo eto wa lusansu ye kinkete wa Luozi.

Kansi mambu mankaka mamfunu mafuiti sadulua buabu mena kaka matelama kadi tukondolo makuta mu nkela. Bantu bena fu mu fila filusadusu fiau mu lumbu biazimunina, kansi kuena mambu mafuiti lembua vingila bilumbu biazimunina, kadi mafuiti sadulua buabu.

Nkiangunu, tueti lomba kua beno zimpangi zeto za ku mbazi a nsi, kansi za mu ngudi a nsi mpe, mu kutufila fionso filubanzidi mu kutusadisila, kadi tufuiti tunga fulu kiansongila mambu mamanene (podium), kimama kia nsoniki Zamenga Batukezanga ye viengisa (lenga ye kusa fimpemba) fulu bina songulua biampila mu mpila (minkanda, binzu, mvungu, madia, bitunga.).

Nate ye buabu tusadidi kaka makuta ma beto kibeni - mafiuma beni - mu vaikisa bipabila biluameni filua. I kuma, bampangi ku Belezika, ku Suede, ku Amelika, ku Kinsasa, ku Matadi ye ku Boma, lutufila fionso fiatekele bakama kidi tuasadila mambu momo ye mankaka mpe. Seno nlemvo.

Nkumbu mosi diaka, mbote zeno zazingi zakimpangi."

Adresse de contact:
(à l'attention de Fidèle Muanda et José Dianzungu).
luozifescal@yahoo.fr