Ne-Kongo.net	Histoire (Kikongo)	8/2004
Août 2004	N'luungi a Dipanda ? Bampaangi, Kyambote kyeeno ! Buna mbeni taanga nsaangu zasonama mu lumbu kya makumatatu mu ngoonda ya yuuni, m'vu wa mafuunda moole ye ya, yakinu ye vwiina dyaame. Boosimpe kitiitu kina yaame vo naanga ku se n'twaala baana beeto ye bateekolo beeto bena vilakana nsungamanu ya n'luungi a Dipanda evo Kimpwaanza kya nsi zeeto. Ngyangalele mu taanga mpova ya Mbuta Kongo Mabilama Innocent mwaamu M'fuma laandila n'luungi a Kimpwaanza kya Koongo dya Kati (30/06/1960). Nani lenda kutusonikina e lumbu koonso zyuunga kinina Ne-Koongo kyakatuka mu gwaayi kya banzeenza ? Mono naanga lumbu byoole kaka ntomene zayidila : 1) Kya makumatatu, ngoonda ya yuuni, m'vu wa fuunda dimosi ye nkama vwa ye makumasaambanu : Dipanda dya Koongo dya Kati (RDC) ; lumbu kya kuumi ye mosi, ngoonda ya kuumi ye mosi, m'vu wa fuunda dimosi ye nkama vwa ye lusambwaadya ye taanu : Dipanda dya Koongo dya Baanda (R. d'ANGOLA). Boosi, nani lenda koma vana vasiidi e ? Katuvilakana dyo ko vo lumbu byoobyo, mpeleko kimpwaanza kya sikidiidi kwa nkatu, kaansi bina kaka lumbu bya lusangamanu ye bya luyaantiku lwa nziingulu ya mpila n'kaka kwa n'kaangu. Mu dyodyo, m'funu vo bana bazeeye make ye meengi matadilaanga nsobolo ya maambu ma taandu kya dipanda batusonekenaanga ye saasila makani ma bankaaka, mase meeto ye mbuta zeeto banwaana n'kiindu ya kimpwaanza. Yeenge kyeeno ! Mono weeno, A. KAVANDAKO, Pfumu Tsaku.